रगतमा क्यान्सर लागे पछि भारतको भेल्लोर स्थित क्रिस्चियन मेडिकल कलेजमा उपचाररत गुरुङ आर्थिक अभावका कारण मृत्‍युका दिनको प्रतिक्षामा रहेको सामाजिक सन्जाल मार्फत जानकारी पाएपछि यहाँ रहेका नेपालीले सक्दो आर्थिक सकंलन गरेर एक लाख ६२ हजार ३ सय चालिस नेपाली रुपैया नेपाल पठाएका हुन ।  

गुरुङको उपचारका लागि नेपाली १० देखी १५ लाख सम्म पैसा लाग्ने र ठुलो रकम नभएर मृत्‍यु सँग लडिरहेका गुरुङलाई फेवा फोर्स यूएईका अध्यक्ष समेत रहेका शेखर पौडेलको सकृयतामा आर्थिक रकम सकलन गरिएको हो । यूएईमा कार्यरत पौडेलको संयोजकत्वमा दुबइमा सतिस उपचार सहयोग समितिनै गठन गरी एक हप्ता लगाएर आर्थिक सकंलन गरिएको थियो । सहयोग सकंलन समितिमा युएइका बिभिन्न संघ सस्थाका जिम्मेवार तहका समाजसेबी गोपाल कंडेल , ज्ञानेन्द्र कार्की,  दिपकराज पौडेल, राजु गुरुङ , पिताम्बर पाण्डे , राजु खड्का , भिम अधिकारी , शिब गुरुङ, जल बहादुर गुरुङ, र पुष्प अधिकारी थिए । 

उक्त समितिले यहाँ कार्यरत नेपालीबाट सहयोग रकम सकंलन गरी सो रकम नेपाल पठाउन सकेको हो । 

सतिसलाई उपचार गर्न विश्वभर रहेका नेपालीलाई सामाजिक सन्जालमार्फत एउटा समितिनै बनाएर सहयोग आह्वान गरिएको थियो । समितिको बैक खाता मा रकम पठाउन सकिने आर्थिक ब्यबस्थापन सहयोग समितिका संरक्षक राजबहादुर गुरुङले बताएका छन । 

सोही अनुरोधकै आधारमा पुम्धीभुम्दी गाविस र कास्की जिल्ला प्रशाशनको सिफारिस पत्रका अनुसार साताभरमा सकंलन गरेको रकम शनिबार दुबइमा रहेको अल अहलिया एक्सचेन्जबाट राज बहादुर गुरुङको नाममा रकम पठाइएको हो । 

तपाईंहरु पनि उनको उपचारमा सहयोग गर्न चाहनुहुन्छ भने मेट्रो डेब्लोपमेन्ट बैकको खाता न ००१००१०००००५९०-R मा रकम पठाउन सकिने फेवा फोर्स यूएईका अध्यक्ष शेखर पौडेलले जनाएका छन ।