एकीकृत नेकपा माओवादीका नेता हेमन्तप्रकाश वलीले जनयुद्धमा आफ्नो छोरीको हत्या गर्ने पूर्व प्रहरी महानिरिक्षक रविन्द्र प्रताप शाहलाई सभासद बनाएको आरोप लगाउनु भएको छ । आफ्नो ठाउँमा शाहलाई सभासद बनाएकोमा आक्रोस पोख्दै वलीले तत्काल नसच्याए रिणाम राम्रो नहुने चेतावनी दिनुभयो ।

धनुषाका जिल्ला शिक्षा कार्यालय र जनस्वास्थ्य कार्यालय रोगी अवस्थामा रहेका कारण द्वन्द पीडित बालबालिकाले समयमै छात्रवृति पाउन नसकेको एक कार्यक्रममा वक्ताहरुले जोड दिएका छन । युवा अभियान जनकपुरकोक आयोजना तथा स्थानिय शान्ति समिति र एडभोकेसी फोरमको संयुक्त सहकार्यमा आइतवार जनकपुरमा आयोजित ‘द्वन्द पीडित बालबालिको छात्रवृति सम्बन्धी’ विषयक संवाद कार्यक्रममा वक्ताहरुले द्वन्द पीडितका परिवारजनले आ आफना बाल बालिकाका लागि तोकिएको छात्रवृति प्राप्त गर्ने उद्देश्यले जिल्ला शिक्षा कार्यालयमा निवेदन पत्र दर्ता गराए पनि उनीहरुले छात्रवृति पाउनबाट बञ्चित हुंदै आएको गुनासो गरेका थिए ।
केही परिवारले एडभोकेसी फोरम र केहीले स्थानिय शान्ति समितिको सहयोगमा भने केही स्वयम परिवारले दर्ता गराएका छन । एडभोकेसी फोरम मार्फत १३ जना परिवारले ३६ जना बाल बालिकाको निवेदन २०६८ सालको जेठ र आषढ महिनामा दर्ता गराएको छन भने स्थानिय शान्ति समिति मार्फत ३१ जना परिवारले ६५ जना बालबालिकाको निवेदन पत्र जिल्ला शिक्ष्ाँ कार्यालयमा दर्ता भए पनि हाल सम्म शिक्षा कार्यालयबाट १८ जना बाल बालिकाको हकमा मात्र सिफारिस गरेको पाइएको छ ।
द्वन्दका क्रममा मृत्यु भएका र वेपत्ता पारिएका व्यक्तिको पारिवारिक आर्थिक अवस्था अत्यधिक नाजुक अवस्थामा पुगे पनि शिक्षा कार्यालयबाट छात्रवृति प्रदानमा कुनै प्रकारको पहल हुन सकेको छैन । द्वन्द पीडित कुनै पनि बालबालिका शिक्ष्ाँबाट बन्चित नहुन उद्देश्यले आएको राहत पनि उपलब्ध नभएको प्रति पीडित परिवारले आक्रोश पोख्ने गरेका छन । स्थानिय शान्ति समितिका संयोजक परमेश्वर साहको अध्यक्षता तथा सहायक प्रमुख जिल्ला अधिकारी प्रल्हाद पोखरेलको प्रमुख आतिथ्यमा आयोजित कार्यक्रमा पत्रकार धु्रव कुमार झा, महिला अधिकारकर्मी भारती झा लगायतले बोलेका थिए ।
कार्यक्रममा सहायक प्रमुख जिल्ला अधिकारी पोखरेलले द्वन्द पीडित बालबालिकालाई छात्रवृति दिनमा कुनै प्रकारको कमी कमजोरी गर्न नमिल्नेमा जोड दिदै जिल्ला शिक्ष्ाँ कार्यालय मार्फत छात्रवृति प्रदान गर्नमा पहल गर्ने प्रतिवद्धता जनाए । कार्यक्रममा जिल्ला शिक्ष्ाँ अधिकारी भने अनुपस्थित थिए । कार्यक्रममा शिक्षा कार्यालयका प्रतिनिधिका रुपमा आएका स्रोत व्यक्ति उद्यव आर्चायले भने छात्रवृति सम्बन्धमा आफूलाई केही जानकारी नभएको भन्दै आफूलाई बचाउ गरेका थिए ।

राजधानीको भृकुटीमण्डमा आयोजना गरिएको छालाजन्य जुत्ता-चप्पल तथा वस्तु प्रर्दशनी सोमबार सम्पन्न भएको छ । सात दिनसम्म चलेको मेलामा १ लाख ३५ हजार उपभोक्ता अवलोकन तथा किनमेलका लागि पुगेका छन् । मेला छाला जुत्ता तथा वस्तु उत्पादक संघले आयोजना गरेको थियो ।

दश वर्ष अघि रुन्दकालमा धनुषाको गोदार गाविसमा हत्या गरी गाडिएका पांच युवा मध्ये चारजनाको शव उत्खन्नको प्रतिवेदन राष्ट्रिय मानव अधिकार आयोगमा आएको छ । जनकपुरको विश्वकर्मा चोक स्थित कटैया चौरीबाट वि.स. २०६० असोज १ गते पांच जना युवालाई सुरक्षाकर्मीले पक्राउ गरे लगतै हत्या गरी धनुषा जिल्लाको गोदार गाविसको कमला नदी किनारमा गाडेका थिए ।

राष्टिूय मानव अधिकार आयोगमा पिडीत परिबारहरुले दिएको उजुरीको आधारमा २०६७ भदौ २१ गते देखि शव गाडिएको भनी आशंका गरिएको तल्लो गोदार गाविसको वडा नम्वर ३ स्थित कमला नदीको किनारमा वैज्ञानिक विधिरुारा मानव अवशेष खोज्दा प्रथम चरणमा ४ जनाको अवशेष फेला परको थियो । फेला परेको मानव कंकाल मध्ये ३ वटा पूर्ण थियो । टाउको देखि पैतालासम्मका कंकाल थियो भने एउटाको टाउको क्षतविक्षत रहेको अवस्थामा थियो । तर शरिरको अन्य भागको कंकाल भने थियो ।

फेला परेका सबै कंकालहरुलाइ विशेषज्ञहरुबाट उत्खन्न गरी मानव कंकाल र हत्या गरिएको अन्य केहि प्रमाणहरु फेला परेको थियो । कंकालसँगै केहि गोली र गोलीका खोकाहरु समेत फेला परेको थियो ।
आशंका गरिएको स्थानमा वैज्ञानिक विधिद्वारा टूेन्च बनाई उत्खनन गर्दा २०६७ भदौ २३ मा पहिलो, २४ मा दोस्रो, २५ मा तेस्रो र भदौ ३१ मा चौथो कंकाल फेला परेको थियो ।

राष्टिूय मानव अधिकार आयोगका सचिव वेद भटट्राईले जनाए अनुसार उत्खन्न पछि प्राप्त कंकालहरुलाई वैज्ञानिक परीक्षणका लागि फिनल्याण्ड फरेन्सिक विश्व विद्यालयमा पठाइएको थियो । तीन वर्ष अघि पठाइएको सो अवशेषहरुको परीक्षणको प्रतिवेदन प्राप्त भएको सचिव भटट्राईले जनाए ।
दोस्रो चरणमा उत्खन्नका क्रममा प्राप्त मानव अवशेषका परीक्षण परिणाम प्राप्त नभएको कारण तत्काल परीक्षण परिणाम सार्वजनिक गर्नमा व्यवहारिक समस्या रहेको पनि उनले जनाए ।
जनकपुर नगरपालिका वडा नम्वर १० का संजीव कुमार कर्ण र दुर्गेस लाभ, वडा नम्वर ४ का जीतेन्द्र झा, कुर्था गाविस वडा नम्वर १ का प्रमोद नारायण मण्डल र दुहवी गाविस वडा नम्वर ७ का शैलेन्द्र यादवलाई पक्राउ गरी वेपत्ता पारी हत्या गर्दै कमला नदी किनारमा गाडेका थिए ।

पीडित परिवारहरुले आयोगमा उजुरी दिएपछि आयोगबाट भएको अनुसन्धानबाट सुरक्षाकर्मीले गैरन्यायीक हत्या गरेको ठहर गरी वि.स. २०६४ माघ १५ गते दोषीलाई कारवाही गर्न र पडितका परिवारलाई क्षतिपुर्ति प्रदान गर्न नेपाल सरकारलाई सिफारिस समेत गरेको थियो । आयोगको अनुसन्धान टोलीको प्रतिवेदनको आधारमा तत्कालीन आयोगका सदस्य गौरी प्रधानको संयोजकत्वमा विशेषज्ञ समेत १८ सदस्यीय टोलीद्वारा उत्खन्न गरिएको थियो ।

टोलीमा फिनल्याण्डका फरेन्सिक विशेषज्ञ, जर्मन विकास संस्था, पुरातत्व विभाग, महाराजगंज फरेन्सिक मेडिसिन विभाग, राष्टिूय फरेन्सिक प्रयोगशालाका विशेषज्ञ, मानव अधिकारका पूर्व सदस्य तथा नागरिक समाजका प्रतिनिधि, राष्टूसंघीय मानव अधिकार उच्चायुक्तको नेपाल स्थित कार्यालयका प्रतिनिधिको रोहबर उक्त उत्खन्न कार्य गरिएको थियो ।

पाच मध्ये चार अवशेष फेला परेपनि बांकी रहेको अर्को अवशेषको खोजी ६ महिना पछि फागुनमा गर्दा फेला परेको थियो । प्राप्त अवशेषहरुलाई यथास्थितिमा निकाली प्याक गरी शिलबन्दी समेत लगाइएको थियो ।
मानव अवशेषहरुको पहिचानका लागि फिनल्याण्ड फरेन्सिक विश्व विद्यालयबाट गरिएको वैज्ञानिक परीक्षणको प्राप्त प्रतिबेदन र नेपालका विशेषज्ञहरुबाट प्राप्त परिणामको विश्लेषण तथा अनुसन्धान गरी सार्वजनिक गरिने सचिव भट्टराईले जनाए ।

उक्त हत्याको मुख्य जिम्मेबार मानिएका तत्कालिन धनुषा जिल्ला प्रहरी प्रमुख कुबेरसिंह राना प्रहरी महानिरीक्षक पदबाट समेत अवकास प्राप्त गरिसकेकाछन । उनलाई महानिरीक्षक बनाउन नहुने भन्दै बिभिन्न अधिकारकर्मी संघसंस्थाहरुले बिरोध समेत गरेका थिए ।

आज गुरुङ जातिहरूले नयाँ वर्ष अर्थात् तमू ल्होछार पर्व देशभरी धुमधामका साथ मनार्इरहेका छन् । ल्होछारका अवसरमा राजधानीको टुँडिखेलमा विविध सांस्कृतिक कार्यक्रम गरिएको छ । ल्होछारको अवसरमा सरकारले आज सरकारले सार्वजनिक विदा दिएको छ । टुँडिखेलमा यसरी मनार्इयो ल्होछार

यसैवीच राजधानीको टुँडिखेलमा तमू ल्होछारको अवसरमा सांस्कृतिक कार्यक्रम गरिएको छ । कार्यक्रममा वसन्तरपुरबाट शुरु भएको झाँकी टुँडिखेलमा पसेर सांस्कृतिक कार्यक्रममा परिणत भएको थियो ।

सद्भावना पार्टीले पार्टी अध्यक्ष राजेन्द्र महतोको श्रीमतीसहित ५ जना समानुपातिक सभासदको नाम सिफारिस गरेको छ ।यस्तै फोरम गणतान्त्रिकका अध्यक्ष राजकिशोर यादवले सरिता यादवलाई समानुपातिक सभासदमा सिफारिस गर्नु भएको छ भने संघीय सद्भवनाका अनिल झाले पत्नी डिम्पलकुमारी झालाई सिफारिस गर्नु भएको छ । फोरम गणतान्त्रिक र संघीय सद्भावनाले एक-एक सिट जितेका छन् ।

समानुपातिक तर्फको सभासदहरुको नाम दोस्रो ठूला दल नेकपा एमालेले सार्वजनिक गरेको ३६ घण्टा बढी बितिसक्दापनि अन्य ठूला दल र तराई केन्द्रित दलहरुले नाम सार्वजनिक गर्न सकेको छैन ।सोमबार अपरान्ह सम्म दलहरुले समानुपातिक सभासदहरुको नाम निर्वाचन आयोगमा बुझाउनु पर्ने
छ ।
नेपाली का“ग्रेस संसदीय बोर्डको बैठक अबेर राती सम्म जारी रहेकोले निर्णय सार्वजनिक हुन सकेको छैन ।एमाओवादीले पनि सोमबार सभासदहरुको नाम आइतबार अबेर राती सम्म बाहिर ल्याएन ।त्यसैगरि तराई केन्द्रित दलहरुलेपनि नामलाई गोप्य नै राखेका छन ।

आधिकारीक पुष्टि नगरिएपनि राष्ट्रिय मधेश समाजवादी पार्टीले पाएको तीन समानुपातिक सिटमा महोत्तरीका युवा राजनीतिकर्मी धर्मेन्द्र साह, आफ्नै निकटवर्ती निर्जला राउत र धनुषाका अर्का युवा राजनीतिकर्मी बनेका दिनेश साहलाई सभासद बनाउने निर्णय अध्यक्ष शरतसिंह भण्डारीले गरेकाछन ।
सदभावना पार्टीबाट धनुषाका युवा राजनीतिकर्मी एवं उक्त पार्टीका केन्द्रिय सदस्य रामबिनोद यादव सभासद हुने निश्चित छ ।समानुपातिक तर्फ सदभावनाले पाएको पा“च मध्ये धनुषाको हकमा एकमात्र निर्वाचित सभासद सञ्जय साहले निर्णय गरेको पार्टी उच्च स्रोतले जनाएकाछन ।

तमलोपा निकट स्रोतका अनुसार पार्टी अध्यक्ष महन्थ ठाकुर र नेता सर्बेन्द्रनाथ शुक्लाले अबेर राती सम्म सभासदको नाममा छलफल गरेपनि निर्णय सार्वजनिक गरेको छैन ।
स्रोतहरुका अनुसार मधेशी जनअधिकार फोरम नेपाल र फोरम लोकतान्त्रिकको नामपनि सार्वजनिक भएको छैन ।
दुबै दलको बैठक अबेर सम्म जारी रहेको बताइएकोछ ।तर ती दुबै दलले धनुषाबाट प्रतिनिधित्व गराउने संभावना कमै रहेकोछ ।

नेपाली कांग्रेसले मंसिर ४ मा भएको दोस्रो संविधान सभाको निर्वाचनवाट समानुपातिकतर्फ पाएको ९१ जना  सभासदको सूची बुझाएको छ । सोमबार संसदीय बोर्डले तयार पारेको सभासदको सूचीलाई पार्टी कार्यालय सानेपामा बसेको केन्द्रीय समितिको वैठकबाट बहुमतका आधारमा अनुमोदन भएपछि काँग्रेसका मूख्यसचिव चीनकाजी श्रेष्ठ र सहसचिव प्रकाश शर्मा निर्वाचन आयोग पुगेर समानुपातिक सभासदको अन्तिम सूची बुझाएका हुन्।  कांग्रेसले समानुपातिक सूचीमा रहेका ३४ केन्द्रीय सदस्य मध्ये ३० जनालार्इ सभासद बनाएको छ भने चार केन्द्रीय सदस्य भने अटाउन सकेनन् । समानुपातिक सभासदमा नपर्नेहरुमा केन्द्रीय सदस्य सुरेन्द्र पाण्डे, बाबुराम राना, मीना सुब्बा र राजनकुमार पन्त रहनु भएको छ ।

Published on Jan 19, 2012

C.E.O: Anish Kumar

केही दिन यता बिग्रिएको मौसमका कारण लगातार तेश्रो दिन पनि जनकपुरको हवाई सेवा प्रभावित भएको छ । यसअघि बिहीबार र शुक्रबार पनि हुस्सुका कारण हवाई सेवा प्रभावित भएको थियो । शनिबार बिहानदेखि बिग्रिएको मौसममा दिउसोसम्म पनि सुधार नआएपछि शनिबारको लागि तोकिएको बुध एअरको दुई र यती एअरलाइन्सको एक उडान रद्ध गरिएको थियो । जनकपुर नागरिक उड्डयन कार्यालयले दिएको जानकारी अनुसार शनिबार बिहान ५० मीटर भिजिविलिटी रहेको थियो भने दिउसो आठ सय मीटरको हाराहारीमा थियो । बढदो जाडोका कारण धनुषा जिल्लाको जनजीवन कष्टकर बन्दै गएको छ । शुक्रबारको तुलनामा भने शनिबार मौसममा सामान्य सुधार आएको जल तथा मौसम विज्ञान विभाग जनकपुर फिल्ड कार्यालयले जनाएको छ ।

संबिधान सभामा धनुषाबाट हाल सम्म ११ जना सभासद भएकाछन ।बिभिन्न दलकागरि प्रत्यक्ष तर्फबाट ७ जना सभासद चुनिएका छन ।समानुपातिक तर्फ हाल सम्म एमालेले ३ र राप्रपाले १ गरी चार जनालाई सभासद बनाएकाछन ।

धनुषाबाट एक मात्र स्थान प्रत्यक्ष तर्फ जितेको एमालेले समानुपातिक तर्फ ३ जनालाई चयन गरेकोछ ।त्यसैगरि राप्रपालेपनि एकजनाको नाम समानुपातिक सभासदमा चयन गरेकोछ ।राप्रपाले लक्ष्मी थापा पासमानलाई मधेशी महिला कोटाबाट सभासद बनाएकोछ ।नेपाली का“ग्रेस,एमाओवादी, तमलोपा, सदभावना, फोरम लोकतान्त्रिक, फोरम नेपाल लगायतका दलहरुले समानुपातिक तर्फको सभासद चयन गर्न बा“की छ ।स्रोतहरुका अनुसार तमलोपाले धनुषाबाट डा.विजय कुमार सिंह र महिला नेतृ इन्द्रा झालाई सभासद बनाउने निश्चित छ ।

नेपाली का“ग्रेसबाट धनुषामा सर्बाधिक समानुपातिक सभासद पर्ने संभावना रहेकोछ ।एमाओवादीलेपनि दुईजनालाई बनाउने संभावना रहेकोछ ।फोरम नेपाल र फोरम लोकतान्त्रिकले धनुषाबाट सभासद बनाउने संभावना कमै रहेको बताइन्छ ।सदभावनाले निर्णय गरिसकेको बताइएपनि नाम सार्वजनिक गरिसकेको छैन ।स्रोतहरुका अनुसार नेका“बाट निश्चित भइसकेका नामहरुमा स्मृतिनारायण चौधरी ,महेन्द्र यादव, लिला कोइराला र आनन्दप्रसाद ढुंगाना छन ।अन्य नामपनि समावेश हुने बताइएको छ ,तर उनीहरुको टु·ो लागिसकेको छैन ।

गत संबिधान सभा चुनावमा धनुषाबाट ७ प्रत्यक्ष सहित २२ जना सभासद थिए ।त्यस मध्ये डा.रामवरण यादव राष्ट्रपति बनेपछि उनको स्थानमा भएको उपचुनावबाट रघुबीर महासेठ निर्वाचित भएका थिए ।एमाओवादी छाडेपछि मातृका यादव सभासदबाट हटाइएका थिए ।उनको स्थानमा एमाओवादीबाटै फरमुद नदाफ चुनिएका थिए ।

लगातार बढ्दै गएको चिसाका कारण तराईका विभिन्न जिल्लामा शनिबार तीन जनाको मृत्यु भएको छ । महोत्तरी, सप्तरी र रौतटमा जाडोका कारण कठ्यांग्रिएर एक–एक जनाको मृत्यु भएको छ । महोत्तरीको सदरमुकाम जलेश्वरमा एक महिलाको मृत्यु भएको छ ।
मृत्यु हुनेमा जलेश्वर नगरपालिका वडा नं ४ बस्ने ५५ वर्षीया तेतरीदेवी साह रहेको जिल्ला प्रहरी कार्यालय महोत्तरीले जनाएको छ ।

जलेश्वरको सलहेश मन्दिरको छेउमा लामो समयदेखि एउटा सानो झुपडीमा बस्दै आएकी साहको न्यानो लुगाफाटा र ओढ्ने ओछ्याउने वस्तुको अभावमा मृत्यु भएको मृतकका छोरा बलराम साहले बताए ।
शुक्रबार बेलुका अचानक कठ्याङ्ग्रिएपछि उनलाई उपचारका लागि जिल्ला अस्पताल जलेश्वरमा लगिएको र उनको शनिबार दिउसो उपचारकै क्रममा मृत्यु भएको हो ।
यस्तै, चिसोका कारण शनिबार बिहान एक जनाको मृत्यु भएको छ भने मर्नेको सङ्ख्या दुई पुगेको छ ।
बिहान हुस्सुसँगै चलेको चिसो हावाका कारण अत्यधिक चिसो लागी गम्हरिया विर्ता गाविस–१ निवासी लक्षु पण्डितको मृत्यु भएको पारिवारिक स्रोतले जनाएको छ । अन्दाजी ६० वर्षका पण्डितको मृत्यु हुनाका मुख्य कारण चिसो भएको बताइएको छ । बिहीबार राति करिब २ बजेको समयमा चन्द्रनिगाहपुर गाविस–६ निवासी अन्दाजी ८० वर्षीया लक्ष्मीनिया कुर्मीको मृत्यु भएको थियो ।
विगत एक सातादेखि बढेको अत्यधिक चिसोका कारण सप्तरीको नकटी रायपुर गाविसमा एकजनाको मृत्यु भएको छ ।     मृत्यु हुनेमा नकटी रायपुर गाविस–८ निवासी ६५ वर्षीय रघुनाथी यादव छन् ।  अत्यधिक जाडोका कारण गत बिहीबार राति यादवको घरमै कठ्याङ्ग्रिएर मृत्यु भएको स्थानीय नर्मदेव यादवले जानकारी दिनुभयो । 
गत मङ्सिरको अन्तिम साताबाट सुरु भएको चिसो क्रमशः बढ्दैै जादा जिल्लाको जनजीवन प्रभावित भएको छ भने अधिकांश केटाकेटी र वृद्धवृद्धा बिरामी पर्न थालेका छन् ।
बाक्लो हुस्सु र चिसो हावाका कारण बस्तीमा रुघाखोकी, ज्वरो, श्वासप्रश्वास र हाडजोर्नीका बिरामी निकै बढेका छन् । सदरमुकाम राजविराजस्थित गजेन्द्रनारायण सिंह सगरमाथा अञ्चल अस्पताल तथा ग्रामीण भेगका सरकारी स्वास्थ्य संस्थाहरूमा अहिले बिरामीको चाप निकै बढेको जिल्ला जनस्वास्थ्य कार्यालयले जनाएको छ ।
चिसोका कारण बिरामी परेका दैनिक करिब २० देखि २५ सम्म उपचारका लागि आउने गरेको गजेन्द्रनारायण सिंह अस्पतालका मेसु डा शैलेश झा बताउनुहुन्छ । उहँ भन्नुहुन्छ, “दैनिक बिरामीको सङ्ख्या बढ्दै गएपछि बेडको अभावमा भूइँमा राखेर पनि उपचार गरिरहेका छौ ।”
यता पछिल्ला पाच दिनयता चिसो झनै बढेपछि सदरमुकाम र जिल्लाका अन्य बजार क्षेत्रमा चहलपहल र आवागमन निकै पातलिएको छ भने सरकारी कार्यालयमा सेवाग्राहीको सङ्ख्या ह्वात्रै घटेको छ ।
दिनभरी घाम नलागेपछि सदरमुकाम राजविराजसहित ग्रामीण भेगका विद्यालयमा विद्यार्थीको सङ्ख्या घटेको शिक्षकहरु बताउछन् ।
चिसोका कारण बिहान यात्रुको सङ्ख्यामा कमी आएपछि सगरमाथा बस व्यवसायी संघले शनिबारदेखि जिल्लाबाट सञ्चालन हुने केही यातायातका साधनको सङ्ख्यामा कटौती गर्नुका साथै समयतालिकासमेत हेरफेर गरेको जनाएको छ ।

यसैबीच चिसो बढेपछि स्थानीय प्रशासनले सप्तरी सदरमुकाम राजविराजका विभिन्न स्थानमा आगो ताप्ने व्यवस्था मिलाएको छ ।
सर्वसाधारणको बढी चहलपहल हुने रुपनी बस बिसौनी, मिनीमार्केट, गजेन्द्र चोक, जनआन्दोलन चोक, अस्पताल प्राङ्गणमा आगो ताप्न दाउरा उपलब्ध गराएको सप्तरीका प्रहरी उपरीक्षक दिनेश अमात्यले जानकारी
दिनुभयो ।
अत्यधिक जाडोका कारण बर्सेनि आफन्त गुमाउदै आएका सप्तरीको नेगडा गाविस–७ निवासी रतिलाल मरिक (डुम)को परिवारलाज्ञई विभिन्न व्यक्तिले सहयोग प्रदान गरेका छन् ।
विभिन्न सञ्चार माध्यममा समाचार प्रकाशित भएपछि मरिक परिवारलाई विभिन्न व्यक्तिले लत्ताकपडा र आर्थिक सहयोग प्रदान गरेका हुन् ।
काठमाडौ महानगरपालिका–२२ खिचापोखरी निवासी समाजसेवी तथा उद्योगी अशोककुमार अग्रवालले पीडित परिवारका लागि राहत सामग्री उपलब्ध गराउनुभएको छ ।
लाइफ इन्स्योरेन्स कम्पनी नेपालको समन्वयमा अग्रवालले करिब रु ३० हजार मूल्यबराबरको ज्याकेट, टूाउजर, सुइटर, टोपी, गन्जी र हाइनेकलगायतका जाडोका कपडा उपलब्ध गराउनुभएको छ ।

एलआइसी नेपाल लहानका शाखा प्रबन्धक  त्रिलोकी दास र नेपाल पत्रकार महासंघ सप्तरीका उपाध्यक्ष श्यामसुन्दर दासले संयुक्तरुपमा मरिक परिवारलाई घरमै पुगेर उक्त राहत सामग्री प्रदान गर्नुभयो ।
यस्तै राजविराज नगरपालिका–५ घर भई काठमाडौमा बस्दै आउनुभएका सागरमणि दाहाल र उहाका साथीहरुले पठाएको रु चार हजार १०० नगदसमेत उपाध्यक्ष यादवले रतिलाल मरिककी पत्नी भोला देवीलाई प्रदान गर्नुभयो ।
विगत चार वर्षयता जाडोका कारण रतिलालले आफ्ना, छोरा, बुहारी र नातिलाई गुमाइसक्नुभएको छ ।

नेकपा एमालेले संविधानसभामा जाने समानुपातिका तर्फका ८४ जना सभासदको टुंगो लगाएको छ । तीन दिनदेखि गोकर्ण रिसोर्टमा चलेको स्थायी समितिको बैठकले शुक्रबार साँझ समानुपातिकका सभासदको टुंगो लगाएको एमाले स्रोतले जानकारी दिएको छ । काठमाडौंको उत्तरी गोकर्ण रिर्सोट बसेको स्थायी समितिको आवासीय बैठकले समानुपातिक सभासदको टुंगो लगाएको हो ।  एमाले स्रोतले दिएको जानकारी अनुसार एमाले सचिव युवराज ज्ञवाली, अनुशासन आयोगका अध्यक्ष अमृतकुमार बोहोरा, स्थायी समितिका सदस्य भरतमोहन अधिकारी, काशीनाथ अधिकारी, भानुभक्त ढकाल, तुलराज विष्ट र पशुपति चौलागाईंलाई समानुपातिकबाट सभासद बनाउने निर्णय भएको  छ ।
एमाले केन्द्रीय सदस्य घनश्याम भुसालले समानुपातिकका सबै सभासदको टुंगो लागिसकेकाले शनिबारसम्ममा पार्टीको धारणा आउने जानकारी अनलाइनखबरलाई दिनुभयो । ‘समानुपातिकका सबै सभासदको टुंगो स्थायी कमिटिले शुक्रबार साँझ लगाएको छ’, भुसालले भन्नुभयो, ‘सभासदका लागि पार्टीभित्र अनावाश्यक किचलो हुने भएकाले आवासीयरुपमा स्थायी समितिको बैठक बसेर सभासदको चयन गरिएको हो ।’
बैठकले आदिवासी जनजातिहरुलाई पनि प्राथमिकतामा राख्दै समानुपातिकबाट सभासद बनाउने निर्णय गरेको छ । आदिवासी जनजातिबाट समानुपातिकमा सभासद हुनेहरुमा स्याङजाका गणेशमान गुरुङ, ललितपुरका सिद्दिलाल सिंह, धादिङका गंगाधर तुलाधर, काठमाडौंका विनोद श्रेष्ठ, तुलबहादुर गुरुङ, इच्छाराज तामाङ, राजधानी दैनिकका मालिक महेन्द्र शेरचन, बाग्लुङका नरबहादुर थापा मगर, रोल्पाका गोकुल घर्तीसहित रहनुभएको छ ।
दलित समुदायको प्रतिनिधित्व गर्दै चुडामणि जंगली, टेकु नेपाली, जीतु गौतम, ज्ञानु गैरे, अफिलाफ उखेडा, शारदा सुवर्णकार, शिवकुमारी गोतामे र भागवत विश्वासीलाई पनि सभासद बनाउने निर्णय एमालेले गरेको छ ।
त्यसैगरी मधेसीबाट रामचन्द्र साह, सत्यनारायण मण्डल, धर्मनाथ साह र कृपाराम रानासहितलाई पनि एमालेले सभासद बनाउने निर्णय गरेको छ । त्यसैगरी राजधानी दैनिकका मालिका महेन्द्र शेरचन र नेपाल पत्रकार महासंघका केन्द्रीय कोषाध्यक्ष शीतल झा पनि सभासद बन्ने हुनुभएको छ ।
स्थायी समितिको बैठकले एमाले केन्द्रीय सदस्य रहनुभएका सबै महिलाहरुलाई समानुपातिकबाट सभासद बनाउने निर्णय गरेको छ । सभासद हुनुभएका महिलाहरुमा उपाध्यक्ष विद्यादेवी भण्डारी, अष्टलक्ष्मी शाक्य, जयन्ती राई, कल्पना चापागाई, गरिमा साह, कमला सुवेदी, गौरी ओली, ममता गिरी, श्रीमाया थकाली, कमला महतो, रञ्जना सरकार र टुका हमाल रहनुभएको एमाले स्रोतको दावी छ ।  महिलाबाट सभासद बन्नुभएका अन्यमा शान्ता मानवी पनि रहनुभएको छ । त्यसैगरी विराटनगरकी उद्योगपती राज्यलक्ष्मी गोल्छा पनि समानुपातिक सभासद बन्नुभएको छ।
सबै महिला केन्द्रीय सदस्य र अन्य जिम्मेवारीमा रहेका महिलालाई सभासद बनाउँदा पनि एमालेबाट सभासद हुने महिलाहरुको संख्या भने ३३ प्रतिशत नपुग्ने भएको छ ।
बैठकले सबैको नामलाई अन्तिम रुप दिएपछि  शनिबार निर्वाचन आयोगलाई सूची बुझाइने छ ।  शनिबार आयोगमा सो नामावली बुझाइएपछि मात्रै त्यसलाई सार्वजनिक गरिने एमाले स्रोतको दावी छ । स्थायी कमिटीले यसअघि सम्पन्न केन्द्रीय कमिटीले तय गरेको मापदण्डअनुसार समानुपातिक सदस्यका नामावली तय गरेको जनाइएको छ।
को को बञ्चित भए सभासद हुन ? 
एमालेको समानुपातिक सभासदमा पार्टीका प्रभावशाली नेताहरु प्रदीप नेपाल, केशव बडाल, मुकुन्द न्यौपाने, सोमनाथ प्यासी, खगराज अधिकारी, किरण गुरुङ, परशुराम मेघीगुरुङ, माधव पौडेल, बेदुराम भुसाल, भानुभक्त जैसी पर्न सक्नुभएन । अनेरास्ववियुका तीनजना पूर्वअध्यक्षहरू राजेन्द्र राई, रामकुमारी झाँक्री र ठाकुर गैरे तथा  पूर्व सचिव रचना खड्काको नाम पनि सभासदको सूचिमा अटेन ।
समानुपातिकमा रहनुभएका नायक भूवन केसीलार्इ एमालेले पुनः हिस्सा बनाएको छ । काठमाडौं १ मा एमालेबाट प्रत्यक्षमा चुनाव लड्ने अन्तिम तयारीमा रहँदा टिकट खोसिएपछि उहाँलार्इ एमालेले समानुपातिकमा राखेको थियो । समानुपातिकमा परेपछि एमालेको चुनावी प्रचारमा खट्नुभएको केसी पुनः हिस्सिनुपरेको छ ।