कमलेश मण्डल   
जलेश्वर, १ माघ ।
पतिले खान लाउन नदिएको भन्दै सोनमा ३ कि २० वर्षिया सिमा खातुनले न्यायका लागि प्रहरीमा उजुरी हालिन । पटक पटक मांनसिक र शारीरिक यातनादिँदै आएका पति मोदसिर मोमिनले आपूmलाई खानलाउन नदिएको भन्दै ३ पुसमा जिल्ला प्रहरी कार्यालयमा उजुरी हालेको हो ।
गाउमा पटक पटक पंचायत गरेपनि त्यहँबाट न्याय नपाएपछि बाध्य भएपछि प्रहरीमा उजुरी हालेको सिमाले बताइन । प्रहरीले मोमिनलाई पक्राउ गरि प्रहरी परिसर मै दुवै वीच सहमति गराई घर फर्काएका थिए ।

त्यस्तै खुटापिपरादी ८ की सम्पतिया देवी यादवले बच्चा नजन्माएको आरोप पति पूलकित यादवले लगाँउदै पटक पटक मानसिक यातना दिन थालेपछि पति विरुद्ध उनले प्रहरीमा उजुरी हालिन ।
पतिले आपूm बच्चा नजन्माएको आरोप लगाउँदै अर्को विवाह गरी छुटै बस्दै आएको र आपूmलाई बास्ता समेत नगरेकोले खानलाउन पाउ भनी प्रहरीमा उजुरी हालिन तर हालसम्म आपूmले न्याय पाएन ।
उजुरी हालेपछि पतिले झन कुटपिट गर्न थालेपछि आपूm बाध्य भएर माइत मा बस्दै आएकी बताइन । सिमा र सम्पतिया मात्र होइन जिल्लामा ४२ जना महिला हिंसा बाट पीडित भएको हो । महिला हिंसाका घटना बृरिुभएपछि  महिला हिंसासम्बन्धी ऐनको प्रभावकारी कार्यान्वयन नहँुदा महिलामाथि हुने हिंसामा खासै कमी आउन नसकेको महोतरीमा सक्रिय महिला अधिकारकर्मीहरुले बताएका छन् ।

महिला अधिकारकर्मी रंजिता झाले लैरु्गिक हिंसाविरुद्ध सरकारले ऐन, कानुन, नीति र कार्ययोजना मात्र बनाउनेभन्दा पनि कार्यान्वयनको पाटोलाई विशेष चासो दिनुपर्ने आवश्यकता रहेको भन्नु भयो ।
महिलामाथि हुने कुनै पनि हिंसा महिला मात्रको नभई सिरु्गो समाजमाथिको हिंसा भएको बताउँदै उनले महिलाको पुरुषप्रतिको विश्वास र निर्भरताका कारणले गर्दा पनि उनीहरुमाथि हिंसाजन्य घटनाहरु हुने भएकाले यसतर्फ महिला स्वयम् सचेत हुनुपर्ने बताईन ।
महिला अधिकारकर्मी रेखा झाले महिलाको पक्षमा आवाज उठाउदा डर, त्रास देखाउने, राजनीतिक दलहरुले पीडकलाई संरक्षण दिने र प्रहरी प्रशासनले उजुरी दर्ता गर्न नमान्नेजस्ता समस्या रहेको बताईन ।
महोतरीका प्रमुख जिल्ला अधिकारी राम प्रसाद थपालियाले महिला, पुरुष सबैको समन्वय र सहयोगबाट मात्रै नयँ संविधानमा महिलाको अधिकार सुनिश्चित हुने विचार व्यक्त गर्नुभयो ।
नेपाल पत्रकार महासरु्घका जिल्ला सभापति हरि प्रसाद मण्डलले महिला हिंसा र विभेदको अन्त्यका लागि सचेतना कार्यक्रमलाई ग्रामीण तहसम्म अभियानका रुपमा लग्नुपर्ने बताउनुभयो ।
महोतरीका प्रहरी नायव उपरीक्षक राजेन्द्रबाबु रेग्मीले मुलुकमा दिगो शान्ति स्थापनाका लागि समाजबाट महिला हिंसा र विभेदलाई अन्त्य गर्नुपर्ने र यसका लागि सम्बन्धित निकायहरुबीच समन्वयात्मक सहकार्य हुनुपर्ने आवश्यकता औँल्याउनुभयो ।
 अधिकारकर्मी श्याम सुन्दर प्रसाद साहले महिलामाथि हुने हिंसाको अन्त्यका लागि सचेतनामूलक कार्यक्रमलाई अभियानकै रुपमा लानुपर्ने आवश्यकता रहेको बताए ।
चालु आवको साउन महिना देखि पुस मसान्त सम्ममा ४२ जना महिना हिंसा बाट पीडित भएको जिल्ला प्रहरी कार्यालय महोत्तरी महिला सेलले जनाएको छ । हिंसाबाट पीडित महिलाहरु ले सवै भन्दा बढी आफना पति बाट हिसिंत भएको देखाइएको छ । महिला सेलका अनुसार महिला हिंसा बाट पीडित ३१ जनाले आफना पति विरुद्ध उजुरी हालेका छन भने ५ जना देवर विरुद्ध र आठ जनाले सासु ससुरा विरुद्ध उजुरी हालेका छन् ।

कमलेश मण्डल
जलेश्वर, १ माघ , ३० पुस ।
सशस्त्र लुटेराहरुको समूहले महोत्तरीमा एक यात्रु बसमा लुटपाट गरेको छ । काठमाडौंबाट सिन्धुलितर्फ गइरहेको ना ४ ख १५०१ नम्बरको बसमा पूर्व पश्चिम लोकमार्ग अन्तर्गत पर्ने महोत्तरी र सर्लाहीको सिमामा मंगलवार विहान लुटेराहरुको समूहले चालकलाई नियन्त्रणमा लिई लुटपाट गरेको इलाका प्रहरी कार्यालय बर्दिवासका प्रहरी निरीक्षक अशोक झाले बताउनु भयो ।

लुटेराहरुले बसका यात्रुहरुलाई पेस्तोल र खुकुरी देखाउदै यात्रुहरुबाट ६ तोला सुनका गरगहना, १६ थान मोबाइल र १ लाख ५० हजार रुपैयाँ नगद,२०तोला चादीका गरगहना गरी ५ लाख रुपैया मुल्य बराबरको समान लुटी लगेको प्रहरीले जनाएको छ । काठमाडौंको कलंकीमा चार जना र हेटौडामा ५ जना लुटेरा गरी ९ जना लुटेराहरु सिरहाका मिरचैया जान बसमा चढेका थिए । लुटेराहरुले सर्लाहीको फुलजोर चोक नजिक बसका चालकलाई नियन्त्रणमा लिई बसभित्रै फायर गर्दै  लुटपाट सुरु गरेका थिए । फायरले बसको छतमा प्वाल समेत परेको छ ।

लुटेराहरुले लुटपाट गरेपछि महोत्तरीको माइस्थान २ स्थित विश्वाकर्मा चोकमा योर्ली जंगल तर्फ भागेका थिए । सर्लाही सिमा देखि बर्दिवाससम्मको जंगली क्षेत्रमा सशस्त्र प्रहरीको २ वटा सुरक्षा पोष्ट र नेपाल प्रहरीको २ सुरक्षा पोष्ट रहेको छ ।सर्लाहीको फुलजोर र महोतरीको बाकेमा नेपाल प्रहरी, सागरनाथ बन विकास परियोजनाको जंगल नजिकको लचका र लक्ष्मीनिया चोकमा सश्स्त्र प्रहरीको क्याम्प रहेको छ । फुलजोर देखि विश्वकर्माचोक सम्म २४ किलोमीटर क्षेत्रभित्र  लुटपाट भएको थियो । बसमा ३५ जना सवारी रहेका थिए । आठ जना लुटपाट र एक जनालुटेराले आफै बस चलाएका थिए ।लुटेराहरुले फुलजोर देखि सशस्त्र प्रहरीबल छिन्नमस्तागण माईस्थानसम्ममा बसमा सवार यात्रुलाई कुटपिट गरेका थिए ।उनीहरुले ४० मिनेट सम्म बसमा लुटपाट गरेका थिए ।

लुटेराहरुले बसका चालक सिन्धुली घर भएका हरिकृष्ण कुमार श्रेष्ठसहित चार जनालाई कुटपीट गरेका थिए । घाइते चालक र अन्यको उपचार बर्दिवास स्थित अस्पतालमा भइरहेको छ । प्रहरीले अनुसन्धानका लागि मोटर साईकलसहित एक जनालाई पक्राउ गरेको रअन्य लुटेराहरुको खोजवीन भइरहेको इलाका प्रहरी कार्यालय बर्दिवासका प्रहरी निरीक्षक अशोक झाले बताउनु भयो ।

काठमान्डौ, १ माघ ।
भारत भ्रमणमा रहनु भएका परराष्ट्र तथा गृहमन्त्री माधव घिमिरेले आजबाट उच्चस्तरीय भेटवार्ता सुरु गर्दै हुनुहुन्छ ।
उहाँले आज नयाँदिल्लीमा भारतीय प्रधानमन्त्री मनमोहन सिंहसँग भेटवार्ता गर्दै हुनुहुन्छ । भारतीय विदेशमन्त्री सल्मान खुर्सिदको निमन्त्रणमा घिमिरे नेतृत्वको टोली हिजो नयाँदिल्ली गएको थियो । घिमिरेको सम्मानमा खुर्सिदले हैदरावाद हाउसमा आजै दिवाभोजको आयोजना गर्नु भएको छ ।
भारतीय गृहमन्त्री सुशीलकुमार सिन्धे र विदेश सचिव सुजाथा सिंहसँग भेटवार्ता गरी मन्त्री घिमिरे नेतृत्वको टोली भोलि स्वदेश फर्किने छ ।

जनकपुरधाम, ३० पुस ।
गाविसको हिसाबकिताब स्पष्ट नरहेको भन्दै स्थानीयहरुले धनुषाको तुल्सियाही जब्दी गाविस कार्यालयमा सोमबारदेखि अनिश्चितकालीन रिले अनसन सुरु गरेका छन् ।
गाविस सचिव चुल्हाई चौधरीले सोमबार गरेको परिषद्को आय–व्यय प्रष्ट नगरेको भन्दै राजनीतिक दलका प्रतिनिधि, युवा लगायत सरोकारबालाहरुले बेलुका ४ बजेदेखि रिले अनसन थालेका हुन् ।
गाविस सचिव चौधरीले पेश गरेको हिसाब किताब, पेश्की दिएको व्यक्तिको नाउ“ सार्वजनिक नगरेको तथा गाविसको बजेट समेत हिनामिना गरेको आशंकामा अंजय ठाकुरको अगुवाईमा अनिश्चितकालीन रिले अनसन थालेको हो ।

सामुदायिक मेलमिलाप समितिका स्थानीय सचिव सन्तोष कुमार महतो, राष्ट्रिय मधेश समाजवादी पार्टीका अब्दुल मनान, एमाओवादीका परमेश्वर ठाकुर, सद्भावनाका रामनन्दन महतो, मधेशी जनअधिकार फोरम, नेपालका जयनारायण यादव, वडा नागरिक मंचका लालबाबु महतो, शम्भु साह त्रिशुली युवा क्लबका प्रदिप यादव लगायत २५ जना गाविस सचिव चौधरी र प्राविधिक सहायक बैजनाथ यादव विरुद्ध रिले अनसनमा बसेका हुन् । 

टुडे समाचारदाता
जनकपुरधाम, १ माघ ।
महोत्तरी जिल्लाको धमौरा गाविस वडा नम्बर ६ बस्ने ४० वर्षिय परभंस यादव गएराती देखि अपहरणमा परेकाछन ।
भाई ललित यादवको बिहाको निम्तो छिमेकी गाउ“ पर्सा देवाडमा बस्ने बहिनीलाइ दिएर भाञ्जी समेत फर्किरहेका यादवलाई रामगोपालपुर–लोहारपट्टी सडक खण्डको धमौरा–७बाट अज्ञात समुहले अपहरण गरेको परिवारजनले मंगलबार प्रहरीलाई जनाएकाछन ।

उनीस“गै रहेकी भाञ्जी नितु कुमारी यादवलाई परभंसको घर नजिक रातीमै छाडिएको र उनले चढेको मोटरसाइकल ज.२ प १२१८ नम्बरको मोटरसाइकल घटनास्थलमा नै छाडिएको अवस्थामा बिहान परिवारजनले फेला पारेको जिल्ला प्रहरी कार्यालय महोत्तरीले जनाएकोछ ।
भाञ्जीलाई घर छाडेर परभंस अन्त कतै गएको हुन सक्ने आशंकामा परिवारजनले राती सोधखोजमा चासो नदेखाएको तर बिहान समेत सम्पर्कमा नआएपछि सा“झ प्रहरीलाई जानकारी गराइएको परिवारजनले जनाएकाछन ।

जिल्ला प्रहरी कार्यालय महोत्तरीले यादवको खोजी भइरहेको जनाएकोछ ।तर उनको अवस्था अझै अज्ञात रहेकोछ । माघको पहिलो हप्तामै ललित यादवको बिहा हुने निश्चित भइसकेको अवस्थामा दाजु परभंसको अपहरणले परिवारमा चिन्ता र त्रास छाएकोछ ।

रामहृदय यादव
जनकपुरधाम, १ माघ ।
धनुषा जिल्लाका किशोरकिशोरीहरुको विकासका मुख्य बाधकका रुपमा बालविवाह, दाइजो प्रथा, लैंगिकविभेद र अशिक्षा रहेको विश्लेषण गरिएको छ । भावी योजनामा किशोर र किशोरीको विकासका अवरोधलाई न्युनीकरण गर्ने उद्देश्यले जिल्लाको उमाप्रेमपुर, लक्ष्मीनिवास र धवौली गाविसमा गरिएको सर्वेक्षण अनुरुप सो विश्लेषण गरिएको हो । महिला तथा बालबालिका कार्यालय धनुषा र युनिसेफ नेपालद्धारा विभिन्न समुह गठन गरी स्थानीय तहमा अन्तरसम्वाद गरी विश्लेषण गरिएको छ ।

मंगलवार जनजकपुरमा आयोजित अन्र्तक्रिया कार्याक्रममा उक्त तथ्य प्रस्तुत गर्दै सहभागीहरुले अभिभावकको शिक्षाप्रति चासो नभएको कारणले पनि किशोर र किशोरीहरु विकास सन्दर्भमा अन्यौलमा रहेको बताए । कार्यक्रममा नेपालको कुल जनसंख्याको २२ प्रतिशत किशोर किशोरीहरुको संख्या रहेको तथ्यांक प्रस्तुत गरिएको छ । जसमा १५ देखि १९ वर्ष मुनिको विवाहित महिलाको संख्या २८.८ प्रतिशत र १५ देखि १७ वर्ष मुनिको १७ प्रतिशत आमाहरु रहेको बताइएको छ ।
दसदेखि चौध र पन्ध्रदेखि उन्नाइस वर्षका किशोर र किशोरीहरुमा गरिएको छलफलका आधारमा उनीहरुमा कुलत, सामाजिक विकृति र पारिवारिक आर्थिक अवस्थाको पीडा अधिक देखिएको सहभागीहरुले बताए ।

विद्यालय बालमैत्री नभएको, अभिभावकमा आफै सबैकुरा जान्ने गरेको अहरु्कार, जुवातास, छोरीलाई घरको व्यवहारिक काममा लगाउने तर पढाउनमा उदासिनता देखाउने प्रवृति पनि किशोर र किशोरीको विकासको बाधक देखिएको तथ्य पनि सहभागीहरुले औल्याए । कतिपय किशोरका बहिनीको विवाहमा दाइजो दिएका कारण अभिभावकलाई ऋणको भार भई किशोरलाई उचित शिक्षा दिलाउन नसकेको, किशोरीलाई अधिक पढाएमा दाइजोको समस्या उत्पन्न हुने, किशोरीलाई घरबाट टाढा निस्कन नदिने र दौत्तरी सम्बन्ध पनि उनीहरुको विकासको अवरोधक भएको सहभागीहरुले चर्चा गरे ।

महिला तथा बालबालिका कार्यालयका प्रमुख वीणा श्रेष्ठले सोचको गरिबी र मुल्यमान्यताप्रति अन्धविश्वास पनि किशोर र किशारीको विकासको अवरोधका रुपमा रहेको भने ।
युनिसेफ नेपालका चन्दा सुब्बाले भौगोलिक विकटता पनि विकासको बाधक रहेको प्रसंग उल्लेख गरे । सो अवसरमा प्रमुख जिल्ला अधिकारी हरी प्रसाद मैनाली, स्थानीय विकास अधिकारी गुरु प्रसाद सुवेदी, जनकपुर नगरपालिकाका कार्यकारी प्रमुख जगन्नाथ लामिछाने लगायतको उपस्थिति थियो ।

टुडे समाचारदाता
जनकपुरधाम, १ माघ ।
धनुषाको ठिल्ला यदुवा गाविसका प्राविधिक सहायक सहित तीन जना हतियारसहित पक्राउ परेका छन् । ठिल्ला यदुवा गाविसमा कार्यरत्त प्राविधिक सहायक धनुषाको गाविस मखनाहा–९ लवटोली बस्ने ३० वर्षिय भरत यादव मंगलबार बिहान हतियारसहित पक्राउ परेका हुन् ।
उनी लामो समयदेखि ठिल्ला यदुवा गाविसको प्राविधिक सहायकमा कार्यरत्त रहेको थियो ।

जिल्ला प्रहरी कार्यालय धनुषाले मंगलबार दिउ“सो पत्रकार सम्मेलनको आयोजना गरी प्राविधिक सहायक यादवले लामो समयदेखि हातहतियार ओसारपसार तथा बेचविखन गर्दै आएको जनाए ।
प्रहरी उपरिक्षक उत्तम राज सुवेदीका अनुसार उनले भूमिगत संगठनसहित अपराधिक क्रियाकलाप गर्ने अन्य व्यक्तिहरुलाई पनि हातहतियार उपलब्ध गराउदै आएका थिए ।

मंगलबार बिहान जिल्ला प्रहरी कार्यालयबाट खटि गएको विशेष टोलीले धनुषाको मखनाहा–९ लवटोलीबाट भरत यादवसहित गाविस सतोखर–२ कुसमाहा बस्ने ४० वर्षिय गंगा प्रसाद यादवलाई पक्राउ गरेको हो ।
यसअघि प्रहरीले सोमबार अखिल तराई मुक्ति मोर्चा (गोइत समूह) का केन्द्रिय सदस्य तथा धनुषा जिल्ला इन्चार्ज दिपक भनिने ३५ वर्षिय रघुनाथ यादवलाई पक्राउ गरिएको थियो । उनले दिएको बयानको आधारमा प्राविधिक सहायक यादवसहित अन्य एक जनालाई पक्राउ गरिएको प्रहरी उपरिक्षक सुवेदीले बताए ।

आपूmलाई धनुषा जिल्ला इन्चार्ज बताउने रघुनाथ यादवले गएको चैत महिनामा जिल्ला विकास समितिमा बम विष्फोट गराएको, २०६९ साउन १६ गते जल उत्पन्न प्रकोप नियन्त्रण कार्यालयमा बम राखेको तथा जनकपुर नगरपालिका वडा नम्बर–८ आ“खा अस्पतालदेखि बलवाटोल जानेबाटोमा तयारी बम राखेको घटनाको मुख्य आरोपी समेत रहेको रघुनाथ यादव एकपटक प्रशासनको सम्पर्कमा आएका थिए । अवोपरान्त अपराधिक क्रियाकलाप नगर्ने भन्दै उनी प्रशासनको सम्पर्कमा आएको र पछि फेरी भूमिगत भएको प्रहरी उपरिक्षक सुवेदीले जनाए ।

तीन वटै घटनाको अनुसन्धान पूरा भइसकेको र प्रविण भन्ने मनोज कुमार साह, अर्जुन सिंह भन्ने अजित कुमार सिंह र रोशन भन्ने विकी साह र सोभित भन्ने सानु कुमार साहले पुर्पक्षको लागि कारागाज चलान भइसकेको छ भने रघुनाथ यादव फरार थिए । रघुनाथलाई सोमबार जिल्ला प्रहरी कार्यालयबाट खटि गएको विशेष टोलीले धनुषाको प्रखे महुवा–४ स्थित भारतीय सीमाबाट नेपालतर्पm आउदै गरेको बेला पक्राउ गरिएको प्रहरीले जनाएको छ ।

प्राविधिक सहायक भरत यादव र गंगा प्रसाद यादवले रघुनाथ यादवलाई हतियार उपलब्ध गराउदै आएको थियो । यिनीहरुको साथबाट कटुवा पेस्तोल थान ६, सो मा प्रयोग हुने गोली ५ राउण्ड, मोबाइल थान ३, सीमकार्ड थान चार, भारतीय नम्बर बीआर ५०–९१७४ नम्बरको मोटरसाइकल, दिपक यादवको नाममा रहेको भारतीय ड्राइभिङ लाइसेन्स, फुड सप्लीमेण्ड कम्पनीको आई कार्ड एक थान र हाते घडी थान एक बरामद गरिएको छ । तीनै जना विरुद्ध मंगलबार हातहतियार तथा खरखजाना मुद्धा गरी आवश्यक अनुसन्धान थालिएको छ ।