उक्त कम्पनीले दाङ, धादिङ र मकवानपुरमा सिमेन्ट उद्योग स्थापनाका लागि सम्भाव्य क्षेत्र खोजिरहेको छ । रावले पूरा क्षमताको उद्योग सञ्चालन गर्न ६० मेगावाट उर्जा चाहिने र त्यसको आधा कम्पनी आपैले थर्मल प्लान्टबाट उत्पादन गर्ने सोचाई राखेको जानकारी दिँदै अपुग उर्जाका लागि विशेष ग्रीड उपलब्ध गराइदिन आग्रह गर्नुभयो । उहाँले धादिङमा उद्योग सञ्चालन गर्न खोला पार गरेर जान पुलको समस्या रहेकाले त्यसतर्फ सरकारको ध्यानाकर्षण गराउनुभयो ।

मन्त्री कोइरालाले वैदेशिक लगानीलाई आकषिर्त गर्नु सरकारको प्रमुख उद्देश्य भएको बताउँदै यो कम्पनी सञ्चालन हुँदाको समयसम्म नेपालमा उर्जाको संकट टरेर जाने विश्वास दिलाउनुभयो ।

कम्पनीको पूर्वाधार विकासमा सहयोग गर्ने सरकारी नीति नै रहेको जानकारी दिँदै उद्योगमन्त्री समेत रहेको कोइरालाले यसबारे छलफल गर्न आफू तयार रहेको बताउनुभयो । उहाँले मुलुकका अन्य स्थानमा पनि लगानी प्रवर्द्धनका सम्भाव्यता खोज्न आग्रह गर्नुभयो ।