दक्षिण कोरियामा एक नेपाली कामदारको समुन्द्रमा डुबेर निधन भएको छ । रोजगार अनुमति प्रणाली अन्तर्गत  विगत चार वर्षदेखि मत्छ्य उत्पादन क्षेत्रमा काम गर्दै आएका  लमजुङका २४ वर्षीय  विकास पौडेलको मंगलवार दिउँसो ३ बजे तिर माछा मार्ने क्रममा समुन्द्रमा डुबेर निधन भएको हो ।

कोरियाको राजधानी देखि करिब चार सय किलोमिटरको दुरिमा रहेको छल्ला नाम्दोको वन्दो समुन्द्र किनारमा  कामकै सिलसिलामा समुन्द्रमा डुबेर उनको निधन भएको हो । उनी जीन याँङ हो नामक कम्पनीको कामदारका रूपमा कार्यरत थिए । समुन्द्रभित्र पानी जहाजमा गई माछा भेला गर्ने क्रममा जालमा अल्झिएर उनको निधन भएको मालिकले बताएका छन् ।

पौडेलको शव नजिकैको अस्पतालमा राखिएको छ । पोस्टमार्टम र आवश्यक अनुसन्धानपछि पौडेलको शव नेपाल पठाईने सउलस्थित नेपाली दूतावासले जनाएको छ ।